'இந்தியா வல்லரசாக வேண்டும்' என்று பல்வேறு தளங்களில் அன்றாடம் வெளியாகும் பதிவைக் கணக்கிட்டால் உறுதியாகப் பத்தாயிரத்தைத் தாண்டும். ஆனால், இந்தியா வாழத் தகுதியான நாடாக, இந்தியா நல்லரசாக உயர வேண்டும் என்கிற பதிவு ஏதும் பேரளவாக இடம் பற்றுவது இல்லை. இந்த இரண்டில் எதற்கான தேவை இல்லை. எதற்கான தேவை இருக்கிறது என்பதை ஆய்வதற்கானதே இந்தக் கட்டுரை.  

05,ஆனி,தமிழ்த்தொடராண்டு-5125. உலகத் தலைவர்களின் அதிகார வேட்கை, அவரவர்களின் நாட்டை வல்லரசாக முன்னெடுத்துச் செல்லக் காரணமாகிறது என்பதை நாம் அறிவோம். வல்லரசு நாடுகள் என்கிற தலைப்பில் உலகின் முதல் பத்து சக்திவாய்ந்த நாடுகள் உலகத்தையும் மக்களின் மனதையும் வழிநடத்துகின்றன. 

ஒவ்வொரு முன்னணி நாடும் ஒரு விடையத்திற்காக, அதிகாரத்திற்காக போராடுகிறது. ஒவ்வொரு உலகத் தலைவரும் தங்கள் விருப்பத்திற்கு ஏற்ப உலகை ஆதிக்கம் செலுத்தவும், செல்வாக்கு செலுத்தவும், இயக்கவும் அதிகாரம் பெற விரும்புகிறார்கள். இந்த இலக்குடன், அவர்கள் தங்கள் நாட்டை மிகவும் சக்திவாய்ந்ததாக மாற்றுவதற்கு வேலை செய்கிறார்கள். உலகின் முதல் பத்து சக்திவாய்ந்த நாடுகளின் பட்டியல் இங்கே.

உலகின் பொருளாதார மற்றும் அரசியல் ஓட்டத்தில் ஆதிக்கம் செலுத்தும் நாடுகள் சக்திவாய்ந்த நாடுகள். அவர்கள் அதிக மொத்த உள்நாட்டு உற்பத்தி மற்றும் வளர்ச்சி விகிதம், வலுவான இராணுவப் படைகள், தொழில்நுட்ப முன்னேற்றங்கள் மற்றும் வலுவான பன்னாட்டுக் கூட்டணிகளைக் கொண்டுள்ளனர். 

1. அமெரிக்க ஐக்கிய நாடுகள்
உலகிலேயே சக்தி வாய்ந்த நாடு அமெரிக்கா. இதன் தலைநகரம் வாசிங்டன், அமெரிக்கா 23 டிரில்லியன் டாலர் உள்நாட்டு உற்பத்தியோடு முதலிடத்தில் உள்ளது. இது 50 மாநிலங்களைக் கொண்டுள்ளது, அதன் பொருளாதார மற்றும் இராணுவ சக்தி ஒப்பிடமுடியாதது. வட அமெரிக்க பன்பதின் ஆண்டுகளாக வல்லரசு நாடு என்ற நிலையை தக்க வைத்துக் கொண்டுள்ளது. 

அமெரிக்கா மற்ற நாடுகளில் வலுவான சமூக மற்றும் கலாச்சார செல்வாக்கைக் கொண்டுள்ளது. தொலைக்காட்சி நிகழ்ச்சிகள், திரைப்படங்கள், இசை மற்றும் கலை ஆகியவற்றின் காரணமாக அதன் கலாச்சார முத்திரைகள் உலகம் முழுவதும் பரவியுள்ளன. 

அமெரிக்காவில் உள்ள லேட் சுப்பீரியர் என்பது உலகின் மிகப்பெரிய ஏரியாகும்.

அமெரிக்காவின் தற்போதைய அரசியலமைப்பு தொல் அமெரிக்க பழங்குடியினரின் இரோகுயிஸ் கூட்டமைப்பின் வார்ப்பு வடிவமாகும்.    
19,ஆனி,தமிழ்த்தொடராண்டு-5078 (02.07.1776) அன்று இங்கிலாந்து தனது ஆட்சியில் இருந்து அமெரிக்காவை விடுவித்ததாக அறிவித்தது.

2. சீனா
உலகின் இரண்டாவது சக்திவாய்ந்த நாடு சீனா. இதன் தலைநகரம் பெய்ஜிங். இதன் மொத்த உள்நாட்டு உற்பத்தி 17.7 டிரில்லியன் டாலர்கள் ஆகும். இது உலகின் அதிக மக்கள்தொகை கொண்ட நாடாகவும் உள்ளது. ஆசிய கண்டத்தில் உள்ள மிகப்பெரிய நாடுகளில் சீனாவும் ஒன்று. 

சீன மக்கள் குடியரசு என்று அழைக்கப்படும் சீனா ஒரு வல்லரசு என்பதை விட அதிக வலிமை கொண்டது. இது உலகின் பழமையான நாகரிகங்களில் ஒன்றாகும், அதே போல் இந்நாட்டின் மொழியான மாண்டரின் பழமையான மொழிகளில் ஒன்றாகும். கம்யூனிஸ்ட் கட்சி தமிழ்த்தொடராண்டு-5051 (1949) முதல் நாட்டை ஆட்சி செய்து வருகிறது. அதன் பொருளாதாரம் வேகமாக வளர்ந்து வருகிறது, இது அமெரிக்காவிற்கு தகுதியான போட்டியாளராக உள்ளது.

சீனாவில் மாண்டரின் மொழி மட்டுமல்ல. இது 300 க்கும் மேற்பட்ட கிளைமொழிகளைக் கொண்டுள்ளது. 
சீனாவில் உள்ள தொடர்வண்டிப் பாதைகளை ஒரே கோட்டில் போட்டால், புவியை இரண்டு முறை சுற்றிக் கொள்ளலாம்.
சீனப் புத்தாண்டு கொண்டாட்டம் 15 நாட்கள் நீடிக்கும்.
இது அதிக எண்ணிக்கையிலான யுனெஸ்கோ உலக மரபுத் தளங்களைக் கொண்டுள்ளது.
சீனா 4000 ஆண்டுகளுக்கு முன்பு பனிக்கூழைக் (ஐஸ்கிரீம்) கண்டுபிடித்தது. 

3. ரஷ்யா
உலகின் மிகப்பெரிய நாடுகளில் ஒன்றான ரஷ்யா, வடக்கு ஆசியா முழுவதையும் ஐரோப்பாவின் பெரும்பாலான கிழக்குப் பகுதியையும் உள்ளடக்கியது. இது ஜப்பான் மற்றும் அமெரிக்காவுடன் கடல் எல்லைகளைப் பகிர்ந்து கொள்கிறது. 

ரஷ்யா சோவியத் ஒன்றியத்தின் ஒரு பகுதியாக இருந்தது, தமிழ்த்தொடராண்டு-5024 (1922) இல் உருவாக்கப்பட்டது. தமிழ்த்தொடராண்டு-5093 (1991) இல், இந்த ஒன்றியம் சரிந்தது, ரஷ்யா சுதந்திரமானது. கூடுதலாக, ரஷ்ய குடிமக்கள் தங்கள் குடியரசுத் தலைவரை நேரடியாக தேர்ந்தெடுக்கிறார்கள்.

ரஷ்யா 17.13 மில்லியன் சதுர கிலோமீட்டர் பரப்பளவைக் கொண்டுள்ளது.

இது தமிழ்த்தொடராண்டு-5020 (1918) இல் ஜூலியன் நாட்காட்டியிலிருந்து கிரிகோரியனுக்கு நாட்காட்டிகளை மாற்றியது.

உலகில் உள்ள மரங்களில் ஐந்தில் ஒரு பங்கு ரஷ்யாவில் உள்ளது.

ரஷ்யாவில் 270 க்கும் மேற்பட்ட மொழிகள் மற்றும் பேச்சுவழக்குகள் உள்ளன.

இது 9,288 கிலோமீட்டர் நீளமுள்ள மிக நீளமான தொடர்வண்டிப் பாதையைக் கொண்டுள்ளது.

4. ஜெர்மனி
உலகின் நான்காவது சக்திவாய்ந்த நாடு ஜெர்மனி. இதன் தலைநகரம் பெர்லின். இதன் மொத்த உள்நாட்டு உற்பத்தி 4.22 டிரில்லியன் டாலர்கள் ஆகும். ஐரோப்பாவில் அதிக மக்கள் தொகை கொண்ட நாடு. இது ஐரோப்பிய கண்டத்தின் நடுப் பகுதியில் அமைந்துள்ளது.

ஜெர்மனி 9 நாடுகளுடன் எல்லைகளைப் பகிர்ந்து கொள்கிறது. இது வடக்கு சமவெளிகள், பால்டிக் கடல்கள், பவேரியன் ஆல்ப்ஸ் போன்ற நிலப்பரப்புகளைக் கொண்டுள்ளது. ஜெர்மன் மொழி உலகின் பழமையான மொழிகளில் ஒன்றாகும். பாராளுமன்ற மக்களாட்சி உள்ளது. வேலை செய்வதற்கு மிகவும் விரும்பத்தக்க நாடுகளில் இதுவும் ஒன்றாகும். அதனால்தான் அதிக எண்ணிக்கையிலான திறமையான தொழிலாளர்களைக் கொண்டுள்ளது. 

ஜெர்மன் மொழியில் 35 வௌ;வேறு பேச்சுவழக்குகள் உள்ளன.
ஜெர்மனியில் மூன்றில் ஒரு பங்கு நிலப்பரப்பு காடுகள் மற்றும் வனப்பகுதிகளால் சூழப்பட்டுள்ளது.
இந்த நாட்டில் உள்ள நெடுஞ்சாலைகளில் கிட்டத்தட்ட 65விழுக்காடு வேக வரம்பு இல்லை. 

5. ஐக்கிய முடியரசு
இந்த அரச நாடு ஐரோப்பிய ஒன்றியத்தில் பெரும் தாக்கத்தை ஏற்படுத்துகிறது. இந்த தீவு நாட்டில் இங்கிலாந்து, ஸ்காட்லாந்து மற்றும் வேல்ஸ் ஆகிய பகுதிகள் உள்ளன. இதன் தலைநகரம் லண்டன். 

ஐக்கிய இராச்சியத்தின் மொத்த உள்நாட்டு உற்பத்தி 3.19 டிரில்லியன் டாலர்கள் ஆகும். இங்கிலாந்தின் அரச குடும்பம் இந்த நாட்டை ஆள்கிறது. இது பன்னாட்டுப் பொருளாதார, அரசியல், இயல்அறிவு (சயின்ஸ்) மற்றும் கலாச்சார நிகழ்வுகளில் பெரும் தாக்கத்தை ஏற்படுத்துகிறது.

பிரிட்டிஷ் மக்கள் தேநீரை பெருதும் விரும்புகிறார்கள். மக்கள் அன்;றாடம் 165 மில்லியன் கப் தேநீர் அருந்துவதாக மதிப்பிடப்பட்டுள்ளது.
லண்டனில் வௌ;வேறு மொழிகளைப் பேசும் 8 மில்லியனுக்கும் அதிகமான குடிமக்கள் உள்ளனர்.

6. தென் கொரியா
அதன் இசை மற்றும் தொலைக்காட்சி நிகழ்ச்சிகளால் உலகம் முழுவதையும் பைத்தியம் பிடிக்க வைக்கும் வகைக்கு சக்திவாய்ந்த நாடுகளில் ஒன்றாகும். தென் கொரியா அதிகாரப்பாடாக கொரியா குடியரசு என்று அழைக்கப்படுகிறது. இது ஆசியக் கண்டத்தின் கிழக்குப் பகுதியில் அமைந்துள்ளது. இது கொரிய தீபகற்பத்தின் தெற்குப் பகுதியை ஆக்கிரமித்துள்ளது.

தென் கொரியாவும் வலுவான பொருளாதாரத்தைக் கொண்டுள்ளது. இதன் மொத்த உள்நாட்டு உற்பத்தி 1.80 டிரில்லியன் டாலர்கள் ஆகும். நாடு மக்களாட்சி அமைப்பு கொண்டது. 1945 இல் ஜப்பானிடம் இருந்து விடுதலை பெற்றது. 

இங்கு புதிதாகப் பிறந்த குழந்தைக்கு ஒரு அகவை என்று கருதப்படுகிறது.
கொரியர்கள் ஒரு ஆண்டில் 12.3 லிட்டர் ஆல்கஹால் குடிக்கிறார்கள்.
வடகொரியா மற்றும் தென் கொரியாவை பிரிக்கும் ராணுவமற்ற மண்டலத்தில் வளமான வனவிலங்குகள் உள்ளன. 
தென் கொரியாவில், 4 என்பது தீயூழ் எண். அதனால் உயர்த்திகளில் (லிப்ட்) 4 என்ற எண்ணைக் காண முடியாது.

7. பிரான்ஸ்
உலகின் மிகவும் நாகரீகமான நாடு மிகவும் சக்திவாய்ந்த நாடு. பிரான்ஸ் மேற்கு ஐரோப்பாவில் அமைந்துள்ளது. உலகின் பழமையான நாடுகளில் இதுவும் ஒன்று. இது உலகின் கலாச்சார மற்றும் சமூக முன்னேற்றங்களில் வலுவான தாக்கத்தை ஏற்படுத்துகிறது.

பிரான்சின் தலைநகரம் பாரிஸ். இதன் மொத்த உள்நாட்டு உற்பத்தி 2.94 டிரில்லியன் டாலர்கள் ஆகும். உலகிலேயே பாதுகாப்பு பொறிமுறைகளின் ஏற்றுமதியில் முதலிடம் வகிக்கிறது. உலக வங்கி பிரான்ஸை பணக்கார மற்றும் அதிக வருமானம் கொண்ட நாடாக அறிவித்துள்ளது .

உலகிலேயே அதிகம் பார்வையிடப்பட்ட நாடு என்பதால், பிரான்சின் முக்கிய வருமானம் சுற்றுலாதான்.
பிரான்சில் மிகப்பெரிய அருங்காட்சியகங்கள் உள்ளன.
நாடு 1500 வகையான சீஸ் வகைகளை உற்பத்தி செய்கிறது.

8. ஜப்பான்
ஜப்பான் உலகிலேயே அதிக கல்வியறிவு பெற்ற நாடு மற்றும் தொழில்நுட்பத்தில் மிகவும் முன்னேறிய நாடு. நான்கு தீவுகளால் உருவாக்கப்பட்ட இந்த நாடு ஆசியாவின் கிழக்குப் பகுதியில் அமைந்துள்ளது.

ஜப்பானின் மொத்த உள்நாட்டு உற்பத்தி 4.94 டிரில்லியன் டாலர்கள் ஆகும், இது உலகின் வலுவான பொருளாதாரங்களில் ஒன்றாகும். அதிக வாழ்நாள் கொண்ட அதே சமயம் சிறந்த கல்வி முறையையும் கொண்டுள்ளது. நாடு நவீன வாழ்க்கை முறை மற்றும் பண்டைய மரபுகளுடன் திறம்பட கலக்கிறது. 

ஜப்பான் 6,800 தீவுகளால் ஆனது.
உலகின் அனிமேஷன் சார்ந்த பொழுதுபோக்குகளில் 60 விழுக்காட்டிற்கு மேல் ஜப்பானிய அனிமேஷன் பங்கு வகிக்கிறது.
இதில் குழந்தைகளை விட செல்லப்பிராணிகள் அதிகம்.
மக்கள் ஒவ்வொரு ஆண்டும் 24 பில்லியனுக்கும் அதிகமான ஜோடி சாப்ஸ்டிக்குகளைப் பயன்படுத்துகின்றனர்.

9. ஐக்கிய அரபு நாடுகள்
ஐக்கிய அரபு எமிரேட்ஸ், அல்லது ஐக்கிய அரபு அமீரகம், ஏழு எமிரேட்ஸ் கூட்டமைப்பு ஆகும். மத்திய கிழக்கில் அமைந்துள்ள இது அரேபிய தீபகற்பத்தின் கிழக்கு முனையில் ஓமன் மற்றும் சவுதி அரேபியாவுடன் எல்லைகளை பகிர்ந்து கொள்கிறது.

அபுதாபி இந்த நாட்டின் தலைநகரம். இதன் மொத்த உள்நாட்டு உற்பத்தி 359 பில்லியன் டாலர்கள் ஆகும். எண்ணெய் ஏற்றுமதியில் முதலிடம் வகிக்கிறது. எண்ணெய் கண்டுபிடிப்பதற்கு முன்பு, அதன் பொருளாதாரம் மீன்பிடி மற்றும் முத்து தொழிலை அடிப்படையாகக் கொண்டது.

இந்த நாட்டில் வசிப்பவர்களில் 80விழுக்காட்டுப் பேர்கள் 200க்கும் மேற்பட்ட தேசிய இனத்தவர்கள் உட்பட புலம்பெயர்ந்தவர்கள். 
ஐக்கிய அரபு எமிரேட்ஸில் ஆறுகள் இல்லை.
உலகின் மிக உயரமான உணவகங்கள் ஐக்கிய அரபு எமிரேட்ஸில் உள்ளன.
இது வணிக சேவைகளுக்காக 10 விமான நிலையங்களைக் கொண்டுள்ளது.

10. இஸ்ரேல்
இது உலகின் மிகவும் முரண்பட்ட நாடுகளில் ஒன்று என்று அழைக்கப்படலாம். அனைத்து வகை சிக்கல்களும் இருந்தபோதிலும், இஸ்ரேல் மிகவும் சக்திவாய்ந்த நாடுகளில் ஒன்றாகும். உலகில் உள்ள ஒரே யூத நாடு இதுதான். இது மத்திய கிழக்கில் அமைந்துள்ளது. 

ஜெருசலேம் இஸ்ரேலின் தலைநகரம். இதன் மொத்த உள்நாட்டு உற்பத்தி 482 பில்லியன் டாலர்கள் ஆகும். இது 1948 இல் விடுதலை பெற்றது. அன்றிலிருந்து, அரபு அண்டை நாடுகளுடன் அது தொடர்ந்து போரில் ஈடுபட்டு வருகிறது. 

இஸ்ரேலில் உள்ள அஞ்சல் சேவையில் தெய்வத்திற்கு கடிதம் எழுதுவதற்கு ஒரு சிறப்பு துறை உள்ளது.
அது எபிரேய மொழிக்கு புத்துயிர் அளித்து அதை அவர்களின் நாட்டு மொழியாக்கியுள்ளது.
நெகேவ் பாலைவனத்தில் அவ்வப்போது பனி பொழிகிறது.
இஸ்ரேலில் 137 கடற்கரைகள் உள்ளன.

வேறு சில சக்திவாய்ந்த நாடுகள் என்கிற தலைப்பில் இந்தியா தொடர்ந்து முதலிடம் பெற்று வருகிறது. அவைகள்:
இந்தியா
சவூதி அரேபியா
கனடா
துருக்கி
இத்தாலி
ஆஸ்திரேலியா
கோஸ்ட்டா ரிக்கா
சுவிட்சர்லாந்து
ஸ்பெயின்
பிரேசில்
சக்தி குறைந்த நாடுகள் என்று பட்டியல் இடப்படும் பத்து நாடுகள்:
நைஜர்
மத்திய ஆப்பிரிக்க குடியரசு
சாட்
புருண்டி
தெற்கு சூடான்
மாலி
புர்கினா பாசோ
சியரா லியோன்
மொசாம்பிக்
எரித்திரியா
முதன்மை விடையங்கள்:
உலகின் மிகவும் சக்திவாய்ந்த நாடுகள் உலகின் சமூக, கலாச்சார மற்றும் பொருளாதார போக்குகளை பாதிக்கின்றன.
ஐக்கிய நாடுகள் மன்றத்தில் ஐக்கிய அரபு எமிரேட்ஸ் தவிர அனைத்து சக்திவாய்ந்த நாடுகளும் உள்ளன.
சக்தி வாய்ந்த நாடு என்ற பட்டத்திற்காக அமெரிக்கா மற்றும் சீனா இடையே கடும் போட்டி நிலவுகிறது.

உலகிலேயே மிகவும் மகிழ்ச்சியான நாடுகள் என்கிற தலைப்பில், ஐக்கிய நாடுகள் அவையின் ஆதரவுடன் இரண்டு ஆண்டுகளுக்கு முன்பு தயாரிக்கப்பட்ட ஆண்டறிக்கை ஒன்றில் 149 நாடுகள் பட்டியலில் இந்தியா 139ஆம் இடத்தில் உள்ளது என்கிற நிலையில் இந்தியா உயரப் பற்றவேண்டியது எந்த ஏணி என்கிற வினாவிற்கு நமது ஆய்வு தருகிற விடை நல்லாட்சி ஏணியே! என்று அறிவித்து அதன் தொடர்ச்சியாக இந்தக் கட்டுரையைப் படிப்போம்.

உலகிலேயே மிகவும் மகிழ்ச்சியான நாடாக பின்லாந்து தேர்ந்தெடுக்கப்பட்டுள்ளது.

உலக மகிழ்ச்சி அறிக்கையில் இரண்டாம் இடத்தில் டென்மார்க்கும் மூன்றாம் இடத்தில் சுவிட்சர்லாந்தும் உள்ளன.

நான்கு மற்றும் ஐந்தாவது இடங்களை முறையே ஐஸ்லாந்து மற்றும் நெதர்லாந்து ஆகிய நாடுகள் பெற்றுள்ளன.

உலகிலேயே மகிழ்ச்சியாக இருக்கும் முதல் பத்து நாடுகளின் பட்டியலில் ஒன்பது நாடுகள் ஐரோப்பிய நாடுகள் ஆகும்.

ஐரோப்பிய கண்டத்தில் இல்லாமல் முதல் 10 இடங்களுக்குள் வந்துள்ள ஒரே ஒரு நாடாக நியூசிலாந்து உள்ளது. 

பிரிட்டன் இந்த ஆண்டு 17 வது இடத்தில் உள்ளது.

அமெரிக்கா 19-வது இடத்தில் உள்ள இந்த பட்டியலில் இலங்கை 129-ஆவது இடத்திலும், இந்தியா 139-ஆவது இடத்திலும் உள்ளன. மலேசியா இந்தப் பட்டியலில் 81-ஆவது இடத்தில் உள்ளது.

அமெரிக்காவைச் சேர்ந்த தரவுகள் பகுப்பாய்வு நிறுவனமானது கேலப் 149 நாடுகளைச் சேர்ந்தவர்கள் எவ்வளவு மகிழ்ச்சியாக இருக்கிறார்கள் என்பது குறித்த தரவுகளை அந்த நாடுகளை சேர்ந்தவர்களிடமிருந்து சேகரித்தது.

தனிமனித சுதந்திரம், ஒட்டு மொத்த உள்நாட்டு உற்பத்தி, குறைவான ஊழல், அரசிடம் இருந்து கிடைக்கும் சமூக நடவடிக்கைகள் உள்ளிட்டவற்றின் அடிப்படையில் மக்கள் எவ்வளவு மகிழ்ச்சியாக இருக்கிறார்கள் என்பது குறித்த அறிக்கை தயாரிக்கப்பட்டது.

உலகிலேயே மிகவும் மகிழ்ச்சியான நாடுகள் பட்டியலில் கடைசி இடத்தில் ஆப்கானிஸ்தான் உள்ளது.

ஆப்கானிஸ்தான் உடன் லெசோத்தோ, போட்ஸ்வானா, ருவாண்டா மற்றும் ஜிம்பாப்வே ஆகிய நாடுகள் மகிழ்ச்சி குறைவான நாடுகளாக இந்தப் பட்டியலில் கடைசி ஐந்து இடங்களில் உள்ளன.

தரவுகள் சேகரிக்கப்பட்ட 149 நாடுகளில் மூன்றில் ஒரு பங்கு நாடுகளுக்கும் சற்று அதிகமான நாடுகளில் குறிப்பிடத்தகுந்த அளவுக்கு அதிகமான எதிர்மறை உணர்வுகள் இருப்பதை காண முடித்ததாக இந்த அறிக்கையை இயற்றியவர்கள் தெரிவித்துள்ளனர். 

முதல் பத்து இடங்களில் உள்ள நாடுகள் எவை?
பின்லாந்து
டென்மார்க்
சுவிட்சர்லாந்து
ஐஸ்லாந்து
நெதர்லாந்து
நோர்வே
சுவீடன்
லக்ஸம்பர்க்
நியூசிலாந்து
ஆஸ்திரியா
கடைசி பதினோரு இடங்களில் உள்ள நாடுகள் எவை?
149. ஆப்கானிஸ்தான்
148. ஜிம்பாப்வே
147. ருவாண்டா
146. போட்ஸ்வானா
145. லெசோத்தோ
144. மலாவி
143. ஹைட்டி
142. தான்சானியா
141. ஏமன்
140. புரூண்டி
139. இந்தியா.
-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்த்தொடர்நாள் எண்: 18,71,650.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.