'மந்திரம்' நூல்அறிமுகம்

பதிப்புரை:

உங்கள் தேவைகள் எதுவானாலும், கடவுளிடம் கேட்டுப்பெற முடியும் என்று தமிழ்முன்னோர் நிறுவியுள்ளனர். அந்த வகைக்கு, நீங்கள், உங்கள் மனதில் குவிக்க வேண்டிய மாண்பு ஆற்றல் குறித்த கலையே மந்திரம். என்பதை இந்த நூலின் அடிப்படையாக்கியுள்ளார் நூலாசிரியர்.

ஆக- இந்த நூலின் நோக்கம் உங்கள் மனதில் மாண்புகளைக் குவிப்பதற்குப் பாடாற்றுவது. அதை இந்த நூல் சிறப்பாகச் செய்யும் என்று உறுதியளிப்பதற்கானதே இந்தப் பதிப்புரை.

'குற்றம் காண்கில் சுற்றம் இல்லை' என்பது, பேரளவினர் அறிந்த, ஒளவையார் பங்களித்த ஒரு பழமொழி.

சுற்றத்தை இல்லாமல் செய்துவிடக்கூடியதும், நாம் உறுதியாகக் களைய வேண்டியதும் ஆன, குற்றம் என்கிற தலைப்பிற்கு எதிர்த் தலைப்பு மாண்பு.

உங்கள் மனதில் மாண்புகளைக் குவிப்பதற்குப் பாடாற்றுவது என்கிற இந்தநூலின், இந்தக்கரு, நூலாசிரியர் எண்ணத்தில் தோன்றிய போதே அது கடவுளில் பதிவாகிவிட்டது.

இந்த நூலை எழுதிமுடிக்க நூலாசிரியருக்குப் பயன்பட்ட, தமிழின் உயிர் பனிரெண்டு, மெய் பதினெட்டு என்கிற முப்பது எழுத்துக்களும், அந்த முப்பது முதலெழுத்துக்கள் உருவாக்கும் 246 உயிர்மெய் எழுத்துக்களும், 

அந்த உயிர்மெய் எழுத்துக்களால் உருவான, இந்த நூலில் இடம்பெற்றிருக்கிற அத்தனைப் பொருள்பொதிந்த தமிழ்ச் சொற்களும், உங்கள் மனதில் மாண்புகளைக் குவிப்பதற்கு பாடாற்றுவது என்பதும் கடவுளில் பதிவாகிவிட்டது. 

இந்த நூலை வாங்க வேண்டும் என்று நீங்கள் நினைத்ததும், இந்த நூலை வாங்கியதும், இந்த நூலை நீங்கள் படிக்கத் தொடங்கியதும்,
இந்த நூலில் இடம்பெற்றுள்ள ஐம்பத்தியாறு கட்டுரைகளைப் படித்து முடித்தது என, இந்த நூலை வாங்கும் வகைக்கான உங்கள் இயக்கம் அத்தனையும், ஒன்று விடாமல் கடவுளில் பதிவாகும் என்கிற காரணம் பற்றி, நீங்கள் இயங்கிய அத்தனைப் படிகட்டுகள் அளவிற்கு-

இந்த நூலின் நோக்கத்திற்கு, உங்களைக் கடவுள் உயர்த்தியிருக்கும் என்பது, நூறுவிழுக்காடு உறுதியான, தமிழியல் பறைசாற்றிய உண்மை.

இந்த நூலைப் படித்து முடிக்கும் போது- 

உங்கள் மனம்- 

உங்களோடே இருக்கும்- 

முழுக்க முழுக்க உங்களுக்கு மட்டுமான கடவுள் என்பதை நீங்கள் தெளிவாகப் புரிந்து கொண்டிருப்பீர்கள்.

கடவுளை உங்கள் சொந்த உடைமையாகப் புரிந்து கொள்வதே மாண்பின் உச்சம். 

ஆசிரியர்உரை:

உங்கள் தேவைகள் எதுவானாலும், கடவுளிடம் கேட்டுப்பெற முடியும் என்று தமிழ்முன்னோர் நிறுவியுள்ளனர். அந்த வகைக்கு, நீங்கள், உங்கள் மனதில் குவிக்க வேண்டிய மாண்பு ஆற்றல் குறித்த கலையே மந்திரம்.

இயற்கையின் அனைத்திலும், மறைந்து பொதிந்திருக்கும் நிலம், நீர், தீ, காற்று ஆகிய நான்கு ஆற்றல்களை குறிக்க நான்மறை என்கிற தலைப்பை உருவாக்கியிருந்தனர், தமிழ்முன்னோர்.

அந்த நான்மறைகளும், வெளியில் இயங்கி, வெளிக்கு ஒரு இயக்கம் கொடுத்து, வெளியை விண்வெளியாக்கியதால், விண்வெளி, நான்மறைகளை முயக்க, விசும்பு ஆகிற நிலைகளைப் பொருத்தி, நான்மறைகளோடு விசும்பும் ஒரு ஆற்றல், அதாவது முயக்க  ஆற்றல் என்று நிறுவி, ஐந்தையும் குறிக்க, ஐந்திரம் என்கிற பொருள் பொதிந்த தலைப்பை உருவாக்கினர் தமிழ்முன்னோர்.

தமிழ்முன்னோர் கண்டறிந்து நிறுவிய முதன்மை திரங்கள் நிலம், நீர், தீ, காற்று, விசும்பு எனும் ஐந்து ஆகும். 

இந்த ஐந்திரங்களை விரிவாக ஆயும் மொழியான தமிழுக்கு, கால அடிப்படையில் மூன்று பெயர்கள் உண்டு. 

அவற்றுள், முதலாவது முகிழ்த்தது நாடகத்தமிழ். இரண்டாவது முகிழ்த்தது இசைத்தமிழ். மூன்றாவது முகிழ்த்தது இயற்றமிழ்.

இயற்றமிழில், நிலம், நீர், தீ, காற்று என்கிற சொந்த இயக்கம் உடைய நான்மறைகளைப் பற்றி ஆய்கிற கல்வியை, இயல்அறிவு என்று நிறுவியுள்ளனர் தமிழ்முன்னோர். இயல்அறிவு என்பதற்கு நேரான ஆங்கிலச்சொல் சயின்ஸ் ஆகும். 

இயற்றமிழில், விசும்பு என்கிற சொந்த இயக்கம் இல்லாத, நிலம், நீர், தீ, காற்றுக்குக் கடந்தும், உள்ளும் அமைந்து, அவைகளின் இயக்கத்திற்கு அவைகளை முயக்குவதைப் பற்றி ஆய்கிற கல்வியை, இயல்கணக்கு என்று நிறுவினர் தமிழ்முன்னோர்.

இயல்கணக்கு என்கிற சொல்லில், தமிழ்முன்னோர் பொதித்துள்ள பொருளில், தலைப்பையோ, கல்வியையோ, ஆய்வையோ, உலகில் எந்த இனத்தினரோ, மொழியினரோ இன்றுவரை கொண்டிருக்கஇல்லை.

 அந்த இயல்கணக்கில் 1.இலக்கியம் 2.காப்பியம் 3.நிமித்தகம் 4.கணியம் 5.மந்திரம் என்கிற ஐந்து துறைகள் அல்லது கலைகள் உண்டு. அவற்றுள் மந்திரம் என்கிற கலையை மட்டும் தெளிவுபடுத்துகிற நோக்கத்திற்கானது இந்த மின்னூல்.

இந்த நூலில் உள்ள ஐம்பத்தியாறு கட்டுரைகள்: 
1. நம்முடைய தலை எழுத்தை நாமே எழுதிக் கொள்வதுதான் மந்திரம் என்பது உங்களுக்குத் தெரியுமா!
2. நீங்கள்தாம் உங்கள் தலைஎழுத்தை எழுதிக் கொள்கின்றீர்கள்! யாரும் உங்கள் தலைஎழுத்தில் மாற்றம் செய்ய இயலாது
3. உலகம் முதலில் எப்படி தோன்றியது? முதல் மனிதன் உருவானது எப்படி?
4. இறத்தல், காலமாதல் என்கிற பொருள் பொதிந்த சொற்களில்! உடல் இறையாகிறது. உயிர் காலமாகிறது என்று நிறுவியுள்ளனர் தமிழ் முன்னோர்
5. நம்மால் உருவாக்கப் பட்டது எல்லாம் கடவுள் கூறு! நம் உருவாக்கத்தில் பங்கு வகிப்பது எல்லாம் இறை கூறு
6. இறை குறித்த வினாக்களும் விடைகளும்
7. கடவுளிடம் நீங்கள் உருவாக்கிய உங்கள் சொந்தஇடமே உங்கள் அதிகாரம்
8. கடவுள்! தமிழ்ச்சொல் மட்டுமே.
9. கடவுள் குறித்த வினாக்களும் விடைகளும்
10. இயல்கணிப்பு
11. இயல்கணக்கும் இயல்அறிவும்    
12. தமிழர் வாழ்க்கை நெறி ஐந்திரம்! உலகினர் வாழ்க்கை நெறி கிறித்துவம், முகமதியம், பௌத்தம், சமனம், சீக்கியம், ஹிந்துத்துவம் என்கிற மதங்கள்
13. தையில் பொங்கல் திருவிழா!
14. மனம்! மனிதனின் ஆறாவது அறிவுக்கான புலன்
15. ஆன்மா- வேறுஉடல் பெற்றுவிடுவதாக சொல்கிறார்களே. அவ்வாறிருப்பின் திதி கொடுப்பதால் எவ்வாறு பலன் கிடைக்கிறது?
16. 'நிமித்தம்' பாதுகாப்புக்கான விசும்பின்ஆற்றுப்படுத்தல் என்கிற தமிழ்முன்னோரின் இயல்கணிப்பு!
17. உங்களுக்குக் கிடைக்கிற நன்மைகள், தீமைகள் அனைத்தையும் தீர்மானிக்கும் ஆற்றல் மூலம் எது!
18. சுழியம் என்பது இல்லாததைக் குறிப்பதன்று! இருந்து இல்லாமல் போனதைக் குறிப்பதாகும்.
19. உங்கள் பெயரோடும், உங்கள் சொந்த மொழியோடும், குலதெய்வங்களின் வலுவான பிணைப்பு!
20. மந்திரம்
21. மந்திரம் என்பது மனதில் குவிக்க வேண்டிய மாண்பு ஆற்றல்!
22. பயணத்தின் போது கட்டாயம் முன்னெடுக்க வேண்டிய மந்திரம்.
23. இது உங்கள் வாழ்க்கை முன்னேற்றத்திற்கான, ஐந்திணைக் கோயில் வடிவமைத்துக் கொண்டாடியிருக்கும் முழுமையான மந்திரம் ஆகும்.
24. முன்னோர்களுடன் பேச முடியுமா!
25. கடவுளுக்குக் கற்றுக்கொடுக்கப்பட்ட முதலாவது மனிதமொழி எது!
26. யார் சிறப்பாக வாழ்கிறார்கள்?
27. நிமித்தகம் நம்முடையதெனக் கொண்டாடுவோம்! முன்னேற்றத்திற்கு அதன் மேம்பாடுகளில் களமாடுவோம்
28. பெயரே முதல் அடையாளம்! புரிந்து கொள்ள வேண்டும் தமிழர்கள்
29. மனிதன் எவ்வளவோ கண்டுபிடிக்கிறான், ஏன் இறக்காமல் இருப்பதை கண்டுபிடிக்க முடியவில்லை?
30. மறுபிறப்பு
31. விதி என்றால் என்ன? வாழ்க்கை விதிப்படிதான் அமையுமா? இளம் அகவை இறப்புகள் எதனால் ஏற்படுகின்றன? அதற்கு விதி காரணமா? தலைஎழுத்து விதி ஒன்றா
32. எளிதாகக் கிடைத்துவிடும் மாற்றமும் முன்னேற்றமும்! நம்முடைய வாழ்க்கை பற்றி நாம் கொண்டிருக்கிற கணிப்பை மாற்றிக் கொண்டாலே
33. தோல்விகளில் இருந்து கற்றுக்கொள்வதற்கும் வெற்றிகளில் இருந்து கற்றுக்கொள்வதற்கும் உள்ள வேறுபாடு என்ன?
34. கொண்டாடுவோம்! முந்தை எழுபிறப்பை. எட்டுவோம் உச்சம்! பிந்தை எழுபிறப்பில்
35. கடவுள் சாமி என்பன- பொய் என்று நினைக்கிறேன். என் எண்ணம் சரியா? தவறா?
36. உடைமை! நிலையானது. நமக்கு மட்டுமல்ல நமது ஏழேழு தலைமுறைக்கும் தொடரக் கூடியது
37. கோயில்களில் வழிபாட்டு அடையாளமாக இருப்பது நடுகல்! நடுகல் வழிபாடே நமது தமிழர் வழிபாடு.
38. நல்லது உண்மை அல்ல; நிழல். கெட்டதும் உண்மை அல்ல; நிழல்
39. கடவுளிடம் உங்களுக்கு அமைந்த சொந்த இடத்தை எளிதாகப் பற்றிக் கொள்ள
40. உறுதியாக முடியும்! தமிழ்நாட்டைப் பார்த்து வியக்கும் வகைக்கு உலகை திருப்ப. அயலியல்களை விட்டு வெளியேறும் ஓர்அயிரம் தமிழர்போதும்
41. ஆன்மீகம் என்பது தமிழா! தமிழில் என்னவென்று சொல்லலாம்
42. மனிதனுக்கு ஆறறிவு, விலங்கினங்களுக்கு ஐந்தறிவு, அப்படியானால் மரம், செடி, கொடிகளின் அறிவு என்ன?    
43. எந்தச் செயலைச் செய்ய தொடங்கினாலும் பிள்ளையாரை வணங்கிவிட்டு தொடங்குவதன் காரணம் என்ன?    
44. இறைமறுப்பு கடவுள்இல்லை என்கிற சொல்லாடல்கள் குறித்து!
45. உடல் உயிருடன் இருப்பதால் ஆன்மா உயிருடன் இருக்கிறதா? அல்லது ஆன்மா உயிருடன் இருப்பதால் உடல் உயிருடன் இருக்கிறதா?    
46. மிகமிகச்சிறிய அளவேனும் வளர்ந்தே ஆகவேண்டும்! நேற்றைவிட இன்று    
47. தமிழன் தனக்கான சொந்த வீட்டையும், தன் இனத்திற்கான சொந்த நாட்டையும் பற்றிட, பாடாற்ற வேண்டியது என்ன? ஏன்    
48. மனிதனின் வாழாண்டு!    
49. கடவுள் நமது வேண்டலை நிறைவேற்றித்தர ஏதாவது கேட்குமா? அப்படியான கேட்பு இயல்பானதா?    
50. பக்தியுடன் கடவுளை வேண்டினால் கேட்ட வரம் கிடைக்கும் என்று ஏன் நம்மால் உறுதியாக கூற முடியவில்லை?
51. அழுது அடம்பிடிக்கிற குழந்தைகள் கற்றுத்தரும் மந்திரம்
52. வாழ்க்கையில் முன்னேற்றம் அடைய சிறப்பான ஐந்து வழிகள் என்னனென்ன?
53. தெய்வங்களை அடையாளம் கண்டு தமிழ்அடிப்படையில் அவற்றைக் கொண்டாடுங்கள்
54. மனதில், இல்லை எந்தச் சிக்கலும்
55. சட்டப்புத்தகம் உங்களிடம், எழுதுகோல் உங்களிடம். எப்படித் தவறான தீர்ப்பு கிடைத்து விட முடியும்? உங்களுக்கு
56. உலகில் எந்த நாடும் பச்சைக் கம்பளம் விரித்து வரவேற்கும், உங்களை.

விரிவான தெளிவுக்கான மந்திரம் மின்நூல் வாங்க:

மந்திரம் அச்சுநூல் தேவைக்கு:

புத்தகத்தின் விலை ரூ360
அஞ்சல் செலவு ரூ50
ரூபாய் 410ஐ 9500612859 செல்பேசி எண்ணிற்கு கூகுள்பே அல்லது போன்பே அல்லது வாட்ஸ்ஆப் மூலம் அனுப்பவும்.
உங்கள் தெளிவான முகவரி, செல்பேசி எண் ஆகியவற்றை kumarinadanr@gmail.com மின்அஞ்சல் மூலம் தெரிவிக்கவும். 

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.