தமிழ்ப்புத்தாண்டு ஐயாயிரத்து நூற்று இருபத்தியேழை வரவேற்பதற்கும், தமிழில் இருந்து கொண்டிருப்பதால், தமிழை வாழவைத்துக் கொண்டிருக்கிற உலகளாவிய தமிழ்மக்களை வாழ்த்துவதற்குமானது இந்தக் கட்டுரை.

இந்தக் கட்டுரை பதிவிடும் நடப்புத் தமிழ்க்காலம்:

00தற்பரை, 
05நாழிகை, 
41விநாழிகை
01,சித்திரை,
தமிழ்த்தொடராண்டு-5127 

ஓர் ஆண்டுக்கான காலத்தை 365 நாள் 15 நாழிகை 31 விநாழிகை 15 தற்பரை என்று தமிழ்முன்னோர் 5126 ஆண்டுகளுக்கு முன்னமே கணித்துள்ளனர்.

தமிழ்த்தொடராண்டின் முதலாவது ஆண்டு பிறப்பு, 5126 ஆண்டுகளுக்கு முன்பு- அன்றுகாலை முதலாவது தற்பரையில்   (6மணி) தொடங்கிய நிலையில்-

தமிழ்த் தொடராண்டுக்கான காலம் முழுநாட்களாக மட்டும் இல்லாமல் சில்லறை நாழிகை விநாழிகை தற்பரையும் கொண்டுள்ளதால்- 

அடுத்து அடுத்து வரும் ஆண்டுகளில் ஒவ்வொரு ஆண்டும் 15 நாழிகை 31 விநாழிகை 15 தற்பரை கூடியே வரும்.

அந்த வகையில் 5127வது தமிழ்த்தொடராண்டு, 

இன்று சித்திரை முதலாவது நாள், திங்கட்கிழமை, ஞாயிற்று தோற்றத்திற்கு- 30தற்பரை, 34 விநாழிகை 8 நாழிகைக்கு முன்பு விடியலிலேயே பிறந்து விட்டது..  

இன்று பிறந்துள்ள 5127வது தமிழ்த்தொடராண்டை இன்று முழுவதும் சிறப்பாகக் கொண்டாடி மகிழ்வோம்.

தமிழில் இருந்து கொண்டிருப்பதால், தமிழை வாழவைத்துக் கொண்டிருக்கிற உலகளாவிய தமிழ்மக்கள் அனைவருக்கும், 5127வது தமிழ்ப்புத்தாண்டு வாழ்த்துக்களை உரித்தாக்கி மகிழ்கிறோம். 
-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்த்தொடர்நாள் எண்: 18,72,313.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.