சாம்பியன்ஸ் டிராபி கிரிக்கெட் பி பிரிவு லீக் ஆட்டத்தில் டக் வொர்த் லீவிஸ் முறைப்படி தென் ஆப்பிரிக்கா அணியை 19 ரன்கள் வித்தியாசத்தில் பாகிஸ்தான் வீழ்த்தியது. பர்மிங்காம் நகரில் நடைபெற்ற இப்போட்டியில் டாஸ் வென்ற தென் ஆப்பிரிக்கா அணி பேட்டிங்யை தேர்வு செய்தது. இதனையடுத்து களமிறங்கிய தென் ஆப்பிரிக்கா அணி 50 ஓவர்களில் 8 விக்கெட் இழப்பிற்கு 219 ரன்கள் எடுத்தது. தென் ஆப்பிரிக்கா அணியில் அதிகபட்சமாக மில்லர் 75 ரன்களை எடுத்தார். பாகிஸ்தான் தரப்பில் ஹசன் அலி 3 விக்கெட்டுகள் எடுத்தார். ஜுனைத் கான், இமாத் வாசிம் ஆகியோர் தலா இரண்டு விக்கெட்டுகளும், முகமது ஹபீஸ் ஒரு விக்கெட்டும் எடுத்தனர்.

இதையடுத்து 220 ரன்கள் எடுத்தால் வெற்றி என்ற இலக்குடன் பாகிஸ்தான்  அணி களமிறங்கியது. . 27 ஓவர்களில் 3 விக்கெட் இழப்பிற்கு 119 ரன்கள் எடுத்திருந்த நிலையில் மழை குறுக்கிட்டதால் போட்டி தடைபெற்றது. தொடர்ந்து மழை பெய்ததால் டக் வொர்த் லீவிஸ் முறைப்படி பாகிஸ்தான் அணி 19 ரன்கள் வித்தியாசத்தில் வெற்றி பெற்றது என அறிவிக்கப்பட்டது.  

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.