ஐசிசி மகளிர் உலக கோப்பை கிரிக்கெட் போட்டியின் தனது மூன்றாவது ஆட்டத்தில் பாகிஸ்தானை 95 ரன்கள் வித்தியாசத்தில் அபாரமாக வீழ்த்தியது இந்தியா. முதல் இரு ஆட்டங்களில் இங்கிலாந்து மற்றும் மேற்கு இந்திய தீவுகளுடன் நடைபெற்ற போட்டிகளில் இந்தியா  வெற்றி பெற்றுள்ளது குறிப்பிடத்தக்கது.

டெர்பி நகரில் உள்ள கவுன்ட்டி மைதானத்தில் நடைபெற்ற இப்போட்டியில்  இந்தியா டாஸ் வென்று பேட்டிங்கை தேர்வு செய்தது. இதன் படி முதலில் பேட் செய்த இந்திய அணி  50 ஓவர்கள் முடிவில் 9 விக்கெட்கள் இழப்பிற்கு 169 ரன்களை எடுத்து. 

அடுத்து 170 ரன் என்ற வெற்றி இலக்குடன் களமிறங்கிய பாகிஸ்தான் அணி இந்திய அணியின் பந்து வீச்சை சமாளிக்க முடியாமல் 38 ஓவர்களில் வெறும் 74  ரன்களில் ஆட்டமிழந்து தோல்வியை தழுவியது. இதுவரை பாகிஸ்தானுடன் மோதிய அனைத்து போட்டிகளிலும் இந்தியா வெற்றி பெற்றுள்ளது குறிப்பிடத்தக்கது.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.