ஹாக்கி உலக லீக் அரையிறுதி தொடர் லண்டனில் நடைபெற்று வருகிறது. இதன் லீக் ஆட்டத்தில் பாகிஸ்தான் அணியுடன் மோதிய இந்தியா 7-1 என்ற கோல் கணக்கில் வீழ்த்தி தொடர்ச்சியாக 3வது வெற்றியை பதிவு செய்தது. இந்திய அணியின் ஹர்மன்ப்ரீத் சிங் 2 கோல்களும், தல்விந்தர் சிங் 2 கோல்களும், ஆகாஷ் தீப் இரண்டு கோல்களும், பிரதீப் மோர் ஒரு கோலும் அடித்தனர். பாகிஸ்தான் அணி சார்பில் மொகமது உமர் பூட்டா ஒரு கோலும் அடித்தார்.

இங்கிலாந்தில் நடைபெற்று வரும் இந்த தொடரில், பி பிரிவில் இடம் பெற்றுள்ள இந்திய அணி தனது முதல் லீக் ஆட்டத்தில் ஸ்காட்லாந்து அணியை 4-1 என்ற கோல் கணக்கிலும் அடுத்து 2வது லீக் ஆட்டத்தில் கனடாவை 3-0 என்ற கோல் கணக்கிலும் வென்றுள்ளது குறிப்பிடத்தக்கது.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.