சர்வதேச கிரிக்கெட் அணிக்கு, பெரம்பலூரைச் சேர்ந்த தனியார் பொறியியல் கல்லூரி மாணவர் தேர்வு செய்யப்பட்டுள்ளார்.

     இந்தியா- நேபாளம் அணிகளுக்கிடையே வரும் சூன் 15ம் தேதி முதல் 17ம் தேதி வரை நேபாளம் பொக்காராவில் சர்வதேச டி20 கிரிக்கெட் சாம்பியன்ஷிப் போட்டி நடைபெறுகிறது. இப்போட்டியில் கலந்து கொள்ளவுள்ள இந்திய அணி வீரர்களுக்கான தேர்வு ராஜஸ்தான் மாநிலம் அஜ்மீரில் நடந்தது. இதில், பெரம்பலூர் ரோவர் இன்ஜினியரிங் கல்லூரி மாணவர் பாலமுருகன் தேர்வு செய்யப்பட்டுள்ளார்.

     இந்தியா - நேபாளம் டி20 கிரிக்கெட் சாம்பியன் ஷிப் போட்டியில் விளையாட தேர்வு செய்யப்பட்டுள்ள தமிழகத்தை சேர்ந்த ஒரே வீரர் பாலமுருகன் என்பது குறிப்பிடத்தக்கது.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.