தமிழ்நாட்டை திரையுலகம் மூலமாக கலக்கிய நடிகர்கள் யாரெல்லாம் என்பது நமக்கு நன்றாக தெரியும். ஆனால் அவர்கள் ஒவ்வொருவரும் நடித்த முதல் படம் எது? என்பது நமக்கு நினைவில் இருக்காது. அதை நினைவில் மீட்டி மகிழும் நோக்கத்திற்கானது இந்தக் கட்டுரை. 03,ஐப்பசி,தமிழ்த்தொடராண்டு-5126: 20. பிரபு 19. விஜயகாந்த் 18. சத்யராஜ் 17. விஜய் 16. அஜித் 15. ஜெயம்ரவி 14. தனுஷ் 13. சரத்குமார் 12. சிவகார்த்திகேயன் 11. அர்ஜுன் 10. அருண் விஜய் 9. பிரசாந்த் 8. சூர்யா 7. விக்ரம் 6. அரவிந்த்சாமி 5. மாதவன் 4. ரஜினிகாந்த் 3. கமல்ஹாசன் 2. சிவாஜி கணேசன் 1. எம்ஜியார்
பிரபு நடித்த முதல் படம் சங்கிலி. சிவாஜிகணேசன், மற்றும் சிறிபிரியா நடித்தனர். இந்தப் படத்திற்கு இளையராசா, எம்.எஸ்.விஸ்வநாதன் இருவரும் இசையமைத்திருந்தனர். இந்த படம் சுமாரான வெற்றியை மட்டுமே பெற்றது.
விஜயகாந்த் நடித்த முதல் படம் இனிக்கும் இளமை. இந்த படத்தில் நடிகை ராதிகா, சுதாகர் நடித்திருந்தனர். இசையமைப்பாளர் சங்கர் கணேஷ். இந்த படம் சுமாராக ஓடியது.
சத்தியராஜ் நடித்த முதல் படம் சட்டம் என் கையில். இந்த படத்தில் சத்யராஜ் போக்கிரியாக (வில்லன்) நடித்தார். கமல்ஹாசன், சிறிபிரியா ஆகியோர் நடித்திருந்தனர். இந்த படத்திற்கு இசை இளையராஜா படம் நன்றாக ஓடியது.
இளையதளபதி விஜய் சிறு அகவையில் விஜயகாந்தின் 'வெற்றி' படத்தில் நடித்திருக்கிறார் இருந்தாலும் வளவனாக (ஹீரொ) நடித்த முதல் படம் நாளைய தீர்ப்பு அந்தப் படத்தை அவருடைய தந்தை எஸ்ஏ சந்திரசேகர் இயக்கினார் படம் எதிர்பார்த்த அளவு ஓடவில்லை.
அஜித் தமிழில் நடித்த முதல் படம் அமராவதி. இந்தப் படத்தில் சங்கவி வளத்தியாக (ஹீரோயின்) நடித்தார். இசை பாலபாரதி படம் சுமாராக ஓடியது.
ரவி நடித்த முதல் படம் ஜெயம் இந்த படத்திலிருந்துதான் அனைவராலும் ஜெயம் ரவி என அழைக்கப்பட்டார். இந்த படத்தை அவருடைய அண்ணன் ராஜா இயக்கினார். படம் மாபெரும் வெற்றி பெற்றது.
துள்ளுவதோ இளமை படத்தில் தனுஷ் அறிமுகமானார். இந்தப் படத்தை அவரது அண்ணன் செல்வராகவன் இயக்கினார். ஆனால் திரையில் அவருடைய தந்தை கஸ்தூரி ராஜாவின் பெயர் மட்டும் வரும். இந்த படத்தில் யுவன்ஷங்கர் ராஜா இசையமைப்பாளர். இந்த படம், பாடல் என அனைத்தும் நல்ல வெற்றியைக் கொடுத்தது.
சரத்குமார் நடித்த முதல் படம் கண் சிமிட்டும் நேரம். இந்தப் படத்தில் கார்த்திக் வளவனாகவும் அம்பிகா வளத்தியாகவும் நடித்திருந்தார். இந்த படத்திற்கு இசை வி எஸ் நரசிம்மன். இந்த படம் வெற்றி பெற்றது.
தொலைக்காட்சிகளில் புகழ்பெற்ற சிவகார்த்திகேயன் நடித்த முதல் படம் மெரினா. இந்தப் படத்தை பாண்டிராஜ் இயக்கியிருந்தார். ஓவியா இந்த படத்தில் நடித்தார். இந்த படம் அந்த அளவுக்கு வெற்றி பெறவில்லை.
அர்ஜுன் நடித்த முதல் படம் நன்றி. இந்த படத்தில் கார்த்திக், நளினி நடித்திருப்பார்கள். இந்த படத்தை ராமநாராயணன் இயக்கியிருந்தார். படம் சுமாரான வெற்றியைப் பெற்றது.
அருண் விஜய் முதன்முதலில் அறிமுகமான படம் காத்திருந்த காதல். இந்தப் படத்தில் இவருக்கு இணையாக சுவலட்சுமி நடித்திருந்தார். இந்தப்படம் மாபெரும் தோல்வி அடைந்தது.
பிரசாந்த் முதலில் நடித்த படம் வைகாசி பொறந்தாச்சு இவருக்கு இணையாக நடிகை காவேரி நடித்திருந்தார். இந்த படத்திற்கு தேவா இசையமைத்திருந்தார். ராதா பாரதி இயக்கிய இந்தப் படம் வெற்றி பெற்றது.
சூர்யா நடித்த முதல் படம் நேருக்கு நேர். இந்தப் படத்தை இயக்குனர் வசந்த் இயக்கியிருந்தார். இந்தப் படத்தில் சூர்யாவுடன் சேர்ந்து விஜய் நடித்திருப்பார். சூர்யாவின் இணையாக சிம்ரன் நடித்தார். தேவா இசை அமைத்திருப்பார் படம் நன்றாக ஓடியது.
விக்ரம் நடித்த முதல் படம் என் காதல் கண்மணி. விக்ரமிற்கு இணையாக நடிகை ரேகா நடித்திருப்பார். படம் தோல்வியைத் தழுவியது.
அரவிந்த்சாமி நடித்த முதல் படம் தளபதி. இந்த படத்தில் மாவட்ட ஆட்சியர் வேடத்தில் நடித்திருப்பார். இந்த படத்தின் வளவன் ரஜினி. படம் மிகப் பெரிய வெற்றி பெற்றது.
மாதவன் நடித்த முதல் படம் அலைபாயுதே. இந்தப் படம் மணிரத்தினம் இயக்கத்தில் ஏ ஆர் ரஹ்மான் இசையில் வெளிவந்தது. இந்தப் படத்தின் பாடல் மற்றும் படம் இரண்டும் மிகச்சிறப்பான வெற்றியைக் கொடுத்தது.
ரஜினிகாந்த் நடித்த முதல் படம் அபூர்வ ராகங்கள். இந்தப் படத்தில் அவர் வளவன் இல்லை கமலஹாசன் வளவன். ஆனால் இந்த படத்தில்தான் அறிமுகமானார். இந்தப் படத்தை கே.பாலச்சந்தர் இயக்கினார். படம் சிறப்பான வெற்றி பெற்றது.
கமல் நடித்த முதல் படம் களத்தூர் கண்ணம்மா. சிவாஜிகணேசன், சாவித்திரி நடித்த இந்தப் படம் பெரும் வெற்றி பெற்றது. கமலஹாசனின் நடிப்பு நன்றாக பேசப்பட்டது. இந்தப்படத்தின் 'அம்மாவும் நீயே' பாடல் மிகப்பெரும் வெற்றி பெற்றது.
இந்திய விடுதலைக்கு, ஐந்து ஆண்டுகளுக்குப் பின்பு, பி. ஏ. பெருமாள் முதலியார் என்பவர் தயாரித்த பராசக்தி என்ற திரைப்படத்தின் மூலம் தமிழ்த் திரையுலகில் அறிமுகமானார் சிவாஜி கணேசன்.
எம்.ஜி.ஆர் நடித்த முதல் படம் சதிலீலாவதி. இந்தப் படத்தில் எம்ஜியார் காவல்துறை அதிகாரி வேடத்தில் நடித்திருந்தார். இவர் வளவனாக நடித்த முதல் படம் ராஜகுமாரி. பல போராட்டங்களுக்குப் பிறகு இந்தியா விடுதலை பெற்ற காலக்கட்டத்தில் வெளியானது இந்தப் படம்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
