2050 ஆண்டுகளுக்கு முன்னம் எகிப்தோடு வணிகம் செய்து வந்த நம் தமிழ் வணிகர்கள்- எகிப்து அரசி கிளியோபட்ராவிற்கு பாலில் ஊறவைத்துக் குளிக்க, தமிழக முத்தை விற்று, தங்கத்தைப் பெற்று வந்து, வணிகத்தில் வரலாறு படைத்தார்கள். அத்தோடு, கிளியோபட்ரா முன்னமே ஆறு உலக மொழிகளைக் கற்றிருந்த நிலையில், அவர்களுக்கு ஏழாவது மொழியாகத் தமிழையும் கற்றுத் தந்தார்கள்.
இன்று அட்லி, விஜய், ஏ.ஆர் இரகுமான் கூட்டணி எகிப்து மக்களுக்கு தமிழைக் கற்றுத்தர பிகில் திரைப்படத்தை எகிப்தில் வணிகம் செய்து சாதனை படைத்திருக்கிறது.

14,ஐப்பசி,தமிழ்தொடர்ஆண்டு-5121: அட்லி இயக்கத்தில் நடிகர் விஜய்யின் பிகில் திரைப்படம் எகிப்திலும் வெளியாகி சாதனை படைத்துள்ளது.

ராஜா ராணி, தெறி, மெர்சல் ஆகிய படங்களை இயக்கியுள்ள பிரபல இயக்குநர் அட்லி அடுத்ததாக விஜய் கதைத்தலைவனாக நடித்துள்ள பிகில் படத்தை இயக்கியுள்ளார். மெர்சல் படத்துக்குப் பிறகு விஜய் - அட்லி - ஏ.ஆர். இரகுமான் இணையும் புதிய படம் குறித்த அறிவிப்பை ஏஜிஎஸ் நிறுவனம் கடந்த ஆண்டு இறுதியில் வெளியிட்டது.

இப்படத்தில் நயன்தாரா, யோகிபாபு, விவேக், ஜாக்கி செராப், கதிர் போன்றோர் நடித்துள்ளார்கள். இசை - ஏ.ஆர்.இரகுமான், ஒளிப்பதிவு - ஜி.கே. விஷ்ணு, பாடல்கள் - விவேக், படத்தொகுப்பு - ரூபன் எல். ஆண்டனி, கலை - முத்துராஜ், சண்டைப் பயிற்சி - அனல் அரசு.

கடந்த வெள்ளியன்று வெளியான பிகில் படம் தமிழ்நாட்டில் முதல் நான்கு நாள்களில் மட்டும் ரூ.75 கோடியை அள்ளியுள்ளது. சென்னையில் இதன் நான்கு நாள் அள்ளல் ரூ.7 கோடியைத் தாண்டியுள்ளது. இந்த ஆண்டு அதிகம் அள்ளிய 3-வது தமிழ்ப் படம் என்கிற பெருமையை நான்கே நாள்களில் அடைந்துள்ளது. மேலும், அடுத்தச் சில நாள்களில் தமிழ்நாட்டில் மட்டும் ரூ.100 கோடி அள்ளலை அடையும் என எதிர்பார்க்கப்படுகிறது. 

இந்நிலையில் பிகில் திரைப்படம் புதனன்று எகிப்திலும் வெளியாகி சாதனை படைத்துள்ளது. இதன்மூலம் எகிப்தில் வெளியான முதல் தமிழ் திரைப்படம் என்ற வரலாற்றையும் பிகில் படைத்துள்ளது குறிப்பிடத்தக்கது.

2050 ஆண்டுகளுக்கு முன்னம் எகிப்தோடு வணிகம் செய்து வந்த நம் தமிழ் வணிகர்கள்- எகிப்து அரசி கிளியோபட்ராவிற்கு பாலில் ஊறவைத்துக் குளிக்கும் தமிழக முத்தை விற்று, தங்கத்தைப் பெற்று வந்து, வணிகத்தில் வரலாறு படைத்தார்கள். அத்தோடு, கிளியோபட்ரா முன்னமே ஆறு உலக மொழிகளைக் கற்றிருந்த நிலையில், அவர்களுக்கு ஏழாவது மொழியாகத் தமிழையும் கற்றுத் தந்தார்கள்.
இன்று அட்லி, விஜய், ஏ.ஆர் இரகுமான் கூட்டணி எகிப்து மக்களுக்கு தமிழைக் கற்றுத்தர பிகில் திரைப்படத்தை எகிப்தில் வணிகம் செய்து சாதனை படைத்திருக்கிறது.

-தமிழர்க்குத் தொடர்ஆண்டு மட்டுமல்ல, தொடர் நாள் கணக்கும் உண்டு. இன்று தமிழ்த் தொடர்நாள் எண்:18,70,322.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.