கூகுள் குவியம் செயலியில், அன்றாடக் கலந்துரையாடல் அமைப்பு மற்றும் முப்பா அமைப்பு முன்னெடுக்கும், இரண்டு இலக்கிய பல்சுவை  நிகழ்ச்சிகள் இன்று மாலை நிகழ்த்தப்படுகின்றன.

10,மார்கழி,தமிழ்த்தொடராண்டு-5122: இன்று மாலை நான்கு இருபத்தியாறு மணிக்கு தொடங்கி இரவு எட்டு மணிவரை தொடரும் இரண்டு இலக்கிய நிகழ்ச்சிகள் காத்திருக்கின்றன. உலகத்தின் எந்த மூலையிலிருந்தும் கண்டு மகிழும் வகையாக கூகுள் குவியம் (ஜூம்) செயலி மூலமாக.

இன்று மாலை 4.26 மணிக்கு கூட்டஅடையாளஎண்: 4775896897. குவியம் செயலியில் 265வது நாளாகத் தொடரும் அன்றாடக் கலந்துரையாடுவோம் நிகழ்ச்சி பாடகர்களுக்கு பாராட்டு விழா நிகழ்ச்சியாக நடைபெற உள்ளது. இந்த நிகழ்ச்சியில்- புரட்சிக் குயில் செந்தில் வேலன், தமிழிசைவாணர் செல்லாங்குப்பம் சுப்பிரமணியம், தென்மொழிப் பண்ணன் ஈகவரசன், திரு நன்னானே இரமேசு ஆகியோருக்கு பாராட்டு விழாவாக நடைபெறுகிறது. தொடர்ந்து குறளும் பொருளும், இன்று ஒரு செய்தி, கலந்துரையாடல் என பல்சுவை நிகழ்ச்சிகளும் இடம் பெறவுள்ளன.

இன்று மாலை 6.20 மணிக்கு கூட்டஅடையாளஎண்: 6869035682. கடவுச்சொல்: kuralon குவியம் செயலியில் முப்பா அமைப்பு முன்னெடுக்கும் சொற்பொழிவு நிகழ்ச்சி பெரியார் அவர்களின் 47 ஆண்டு நினைவேந்தல் நிகழ்வாக நடைபெற உள்ளது. நிகழ்ச்சியை ச.ச.வேலரசு (தமிழரசன்) ஒருங்கிணைக்கிறார்.

உலகத்தமிழர் அனைவரும் கலந்து கொண்டு சிறப்பிக்க கலந்துரையாடல் அமைப்பு மற்றும் முப்பா அமைப்புகள் அன்புடன் அழைக்கின்றன.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.