தமிழ்முன்னோர் விசும்பு என்று அழைத்த- பேரறிவுப் பேராற்றல் அண்டப் பெருவெளியில்- பல்லாயிரக் கணக்கான முறை ஒலித்துப் பதிந்து, நமது இயக்கப் போக்கை வழிநடத்துகிற நமது பெயரை- அமைத்துக் கொள்வது குறித்த, கலையே கணியக்கலை. அந்த ஒலிப்புகளில் எண்களே அடிப்படையாகும். அந்த வகைக்கு அடிப்படை எண்கள் ஒன்பதின் மீதும் தமிழ்முன்னோர் ஏற்றியிருக்கிற இயல்புகளில் எண் ஒன்றுக்கானது இந்தக் கட்டுரை. 

10,ஆனி,தமிழ்த்தொடராண்டு-5124: நம் முன்னோர் பலரால், எண் ஒன்றின் மீது பேரளவாக பதிவு செய்யப் பட்டுள்ள கிளை இயல்புகளை விரிவாக எழுதியுள்ளேன். இவைகளை உங்கள் எண்ணத்தில் நிறைத்துக் கொண்டு உங்கள் வாழ்க்கை பயணத்தில் ஒவ்வொரு அடியையும் உறுதியாக எடுத்து வையுங்கள் வெற்றியே ஈட்டுவீர்கள்.

எண் ஒன்றுக்கு உரியவர்கள் எப்பொழுதும் வெப்பமான உடல்நிலையைக் கொண்டிருப்பார்கள். இவர்கள் யாருக்கும் வளைந்து கொடுத்து போக மாட்டார்கள். பயமுறுத்தலுக்கு அஞ்சாதவர்கள். மனதில் உள்ளதை வெளிப்படையாக பேசுபவர்கள்.

இவர்களுக்கு நிர்வாகத்திறன் அதிகம் என்பதால் வேலை செய்யும் இடத்தில் உயர் பதவி, அரசாங்க வேலைகள், அரசாங்க அனுகூலம் கிடைக்கும். அனைவரையும் நம்ப மாட்டார்கள். சிலரையே நண்பர்களாக கொண்டிருப்பார்கள். நாகரிகமாக நடந்து கொள்ள விரும்புவார்கள்.

இவர்கள் புகழுக்கு அடிமையானவர்கள். பணம் சம்பாதிக்க வேண்டும் என்ற எண்ணம் இருந்தாலும் கௌரவம் பார்ப்பார்கள். நடுத்தர உயரமும் கம்பீரமான உடல் அமைப்பும் கொண்டவர்கள். அரசியலில் ஆர்வம் இருக்கும். கல்வியில் ஈடுபாடு உண்டு. 

தன்னம்பிக்கை அதிகம் கொண்டவர்கள். இவர்களுக்கு மற்றவர்களுடைய ஆலோசனைகளைக் கேட்க விருப்பம் இருக்காது. கனமான குரலில் பேசுவார்கள். மனதில் உள்ளதை மறைக்காமல் வெளிப்படுத்துவார்கள். யாருடைய பேச்சையும் கேட்காமல் தன் விருப்பப்படி நடப்பார்கள்.

பழகுவதற்கு இனிமையானவர். எப்பொழுதும் பொறுமையுடன் நடந்துகொள்வார்கள். மனதில் உள்ளதைச் சற்று தயக்கத்துடன் வெளிப்படுத்துவார்கள். பாசம் அதிகம் கொண்டவர்கள். எளிதில் யாரையும் பகைத்துக் கொள்ள மாட்டார்கள். இவர்களிடம் அன்பு காட்டினால் எளிதில் அடிமையாகி விடுவார்கள்.

தன் கொள்கையில் இருந்து மாறாதவர்கள். மிகுந்த மனோசக்தி உடையவர்கள். எதை கற்றுக்கொண்டாலும் அதில் புலமையுடன் திகழ்வார்கள். இவர்களுடைய பேச்சு மற்றும் செய்கையை அவ்வளவு எளிதாக புரிந்துகொள்ள முடியாது, நெடுநாள் பழகியவர்களுக்கு மட்டுமே புரியும்.

அழகான தோற்றம் உடையவர்கள். எப்போதும் கலகலப்பானவர்கள். யாரையும் எளிதாக நம்பி விடுவார்கள். அதனால் ஏமாற்றம் அடையக்கூடும். எவருடைய மனதையும் புண்படுத்த விரும்ப மாட்டார்கள். கபடு சூது தெரியாத மனிதராக இருப்பார்கள்.

எண் ஒன்றினருக்கு பொருத்தமான தொழில்கள் என்று பின்வருவன பேரளவாக பதிவு செய்யப்பட்டுள்ளது.
இவர்கள் மிகவும் நேர்மையானவர்கள் என்பதால் நேர்மையான தொழில்கள் அனைத்தும் இவர்கள் செய்யலாம். மருத்துவம் கவிதை எழுதுவது, புதினங்கள் எழுத்து துறை, இசை, சோதிடம், இந்திய ஆட்சிப்பணித்துறை காவல் பணித்துறைக்கும்  முயற்சி செய்யலாம். 

இந்த அனைத்துப்பாடுகளிலும் எண் ஒன்றினர் சிறப்பாக துலங்க பேரளவாக பதிவுகள் முன்னெடுக்கப்பட்டுள்ளன. இந்த வகையான உங்கள் வெற்றிக்கு எனது வாழ்த்துக்கள். 
-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்த்தொடர்நாள் எண்: 18,71,352.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.