இன்று சனிக்கிழமை மாலை 6.20 மணிக்கு குவியம் செயலியில் சிறப்பாக முன்னெடுத்திருந்தது முப்பா அமைப்பு விருது வழங்கும் விழா!

27,கார்த்திகை,தமிழ்த்தொடராண்டு-5122: இன்று சனிக்கிழமை மாலை 6.20 மணிக்கு கூட்டஅடையாளஎண்: 6869035682. கடவுச்சொல்: kuralon குவியம் செயலியில், முப்பா அமைப்பு சிறப்பானதொரு விருது வழங்கும் நிகழ்ச்சியை முன்னெடுத்தது. இது முப்பா அமைப்பின் முதலாவது விருது வழங்கும் நிகழ்ச்சியாகும்.

வா.மு.சே. திருவள்ளுவர் அவர்கள் தலைமையேற்ற, இந்த சிறப்பான நிகழ்ச்சியில், தென்மொழிப் பண்ணன் ஈகவரசன் அவர்களுக்கு, “இனமான இசைத்தமிழன்” என்ற விருது வழங்கப்பட்டது. 

இந்த விருது மருத்துவர் இரா. கௌதமன் அவர்களால் வழங்கப்பட, வரவேற்று வாழ்த்துரை வழங்கினார் மன்னர் மன்னன் அவர்கள்.  

புரட்சிக் குயில் செந்தில், வேலன் தேனிசை பண்ணன், செல்லாங்குப்பம் சுப்பிரமணியன், பல்கலை வல்லவர், சுப்பரமணியன் நடேசன் ஆகியோர் இன்னிசை படைத்தனர்.

குணத்தொகை, வேண்மாள், சக்கையா, இரத்தின புகழேந்தி, திருவை பாபு, முயற்சி முருகேசன் ஆகியோரும் நிகழ்ச்சியில் பங்கேற்ற பலரும் விருதாளரைப் பாராட்டியும் வாழ்த்தியும் மகிழ்ந்தார்கள். இந்த நிகழ்ச்சியின் மூலம் விருதாளர் தென்மொழிப் பண்ணன் ஈகவரசன் அவர்களின், பாவலரேறு அவர்களுடன் இருந்த நெருக்கமான தொடர்பையும், அவரின் நெடிய மொழிஆர்வ வரலாற்றையும் புரிந்து கொள்ள முடிந்தது. 

பங்களிப்பாளர்களின் சிறப்பான உரைவீச்சுக்களை அடுத்து, இந்த நிகழ்ச்சியைச் சிறப்பாக ஒருங்கிணைத்திருந்த ச.ச.வேலரசு என்கிற தமிழரசன் அவர்கள் நன்றியுரை வழங்க முப்பா இயக்கத்தின் கூட்டம் குறித்த நேரத்தில் சிறப்பாக நிறைவுற்றது.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.