புதிய தொடக்கமான, மந்திரம் இணையக் கலைக்கழகம் என்கிற ஓர் இணையவழிக் கல்வி நிறுவனம், முதற்கட்டமாக தமிழர் முன்னேற்றப் பண்பாட்டுக்கல்விக்கான ஐந்து படிப்புகளை முன்னெடுக்கிறது. இந்த நிறுவனம், இந்த ஆண்டு படிப்பாளர்களுக்கு, ஓர் அரியதொரு வாய்ப்பை வழங்கி சிறப்பு பெறுகிறது.

31,சித்திரை,தமிழ்த்தொடராண்டு-5124: புதிய தொடக்கமான, மந்திரம் இணையக் கலைக்கழகத்தில் முதலாவதாக, ஐந்து வகையான- ஓராண்டுகால சான்றிதழ் படிப்புகள் தொடங்கப்பட உள்ளன. 

தற்போது படிப்பாளர்களுக்கான சேர்க்கை தொடங்கி நடைபெற்று வருகிறது. நிறுவனம் இந்த ஆண்டு தொடங்கியுள்ள அந்த ஐந்து வகையான ஓராண்டுகாலச் சான்றிதழ் படிப்புகள்:
1. நடைமுறைத்தமிழ் சான்றிதழ்
2. கவிதை சான்றிதழ்
3. இதழியல் சான்றிதழ்
4. கணியம் சான்றிதழ்
5. மந்திரம் சான்றிதழ்
என்கிற படிப்புகள் ஆகும்.

இந்த ஐந்து வகை ஓராண்டு சான்றிதழ் படிப்புகளில் ஏதாவதொன்றில் சேர ஆர்வமுள்ளவர்கள் கீழே தெரிவிக்கப்பட்டுள்ள, மின்அஞ்சல் முகவரிக்கு தகவல் அனுப்பினால், உங்கள் மின் அஞ்சல் முகவரிக்கு, நீங்கள் விரும்பும் சான்றிதழ் படிப்பிற்கான விண்ணப்பப் படிவம் அனுப்பிவைக்கப்படும்.

அந்த விண்ணப்பத்தை நிறைவு செய்து, ஸ்கேன் செய்து, கலைக்கழக மின் அஞ்சல் முகவரிக்கு அனுப்பி பயிற்சியில் இணைந்து கொள்ளலாம். 

கலைக்கழகத்தின் புதிய தொடக்கம் காரணம் பற்றி, இந்த ஆண்டு படிப்பில் இணையும் அனைவருக்கும், கல்விக் கட்டணம் இல்லை என்பது, இந்த ஆண்டில் இணையும் படிப்பாளர்களுக்கு அறிவிக்கப்படும் மகிழ்ச்சியான செய்தியும், அரியதொரு வாய்ப்பும் ஆகும்.

படிப்பில் இணையும் அனைவருக்கும் அகவை (வயது) வரையறை இல்லை என்பது, இனியதொரு அறிவிப்பாக கொண்டாடப்படும் என்றும் நம்பப்படுகிறது. 

விண்ணப்பப் படிவம் பெறுவதற்குத் தொடர்பு கொள்ள வேண்டிய மின் அஞ்சல்: kalaikkazhagam@gmail.com

-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்த்தொடர்நாள் எண்: 18,71,248.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.