சென்னையில் உள்ள இலக்கிய நண்பர்கள் தங்கள் தங்கள் அமைப்புகளிலிருந்து பல்வேறு இலக்கிய நிகழ்ச்சிகளை நடத்தி வருகின்றனர். அதுவும் நிகழ்ச்சிகளை நடத்த- நேரடியாக ஒருங்கிணைக்கத் தேவையில்லாமல், இணையத் தொழில் நுட்பத்தில் கூகுள் நிறுவனம் வழங்கி வருகிற சிறப்பான வாய்ப்புகளை செவ்வனே பயன்படுத்தி வருகின்றார்கள். 

13,கார்த்திகை,தமிழ்த்தொடராண்டு-5122: சென்னையில் உள்ள இலக்கிய நண்பர்கள் தங்கள் தங்கள் அமைப்புகளிலிருந்து பல்வேறு இலக்கிய நிகழ்ச்சிகளைச் சிறப்பாக நடத்தி வருகின்றனர். 

அதுவும் நிகழ்ச்சிகளை நடத்த- நேரடியாக ஒருங்கிணைக்கத் தேவையில்லாமல், இணையத் தொழில் நுட்பத்தில் கூகுள் நிறுவனம் வழங்கி வருகிற சிறப்பான வாய்ப்புகளைச் செவ்வனே பயன்படுத்தி வருகின்றார்கள். 

அந்த வகையில் இன்று மாலை நடக்கவிருப்பது சான்றோர்த்தளம் முன்னெடுக்கும் நூல் ஆய்வரங்கம். இன்று மாலை 7.00 மணிக்கு

நூலாசிரியர். வீ.காந்தி லெனின்  அவர்களின் ‘ஆயிரம் பாக்கள்- இயல்அறிவு தமிழ்’ நூல் வெளியீட்டு நிகழ்ச்சி! முன்னெடுக்கிறது ‘சான்றோர்த் தளம்’ அமைப்பு. இது சான்றோர்த்தளம் முன்னெடுக்கும் 17வது நூல் வெளியீட்டு நிகழ்ச்சியாகும்.

முனைவர் தன்னானே சு.இரமேசு தமிழிசை பாடி நிகழ்ச்சியைத் தொடங்கி வைக்கிறார். முனைவர் பாலமுருகன் நூலைவெளியிட்டு சிறப்புரை நிகழ்த்துகிறார். நூலாசிரியர். வீ.காந்தி லெனின்  அவர்கள்; தன்னுடைய நூலான ‘ஆயிரம் பாக்கள்- இயல்அறிவு தமிழ்’ குறித்து ஆய்வுரை நிகழ்த்துகிறார்.

பாவலர். மன்னர் மன்னன் அவர்களின் நன்றியுரையுடன் நிகழ்ச்சி சிறப்பாக நிறைவு செய்யப்படவுள்ளது. இந்த நிகழ்ச்சியை கூகுள்குவியம் (ஜும்) செயலி மூலமாக முன்னெடுக்கிறது சான்றோர்த்தளம் அமைப்பு. 

கூட்டஅடையாளஎண்: 828-8992-9253. தமிழ்ஆர்வலர்கள் சான்றோர்த் தளத்தின் இந்த பதினேழாவது  மின்நூல் வெளியீட்டு நிகழ்ச்சியில் கலந்து கொண்டு சிறப்பிக்க வேண்டுகிறோம்.

முந்தா நாள் சிறப்பாக முன்னெடுக்கப் பட்ட நிகழ்ச்சி, கவியரங்கம் ஆகும். இந்தக் கவியரங்கித்திற்கான தலைப்பை பாவலர்களே தேர்ந்தெடுத்துக் கொள்ளலாம். ஆனால் பாடல் தலைப்பு திருக்குறளில் கட்டாயம் இருக்க வேண்டும் என்பதாகும்.

இது 235 நிகழ்ச்சி என்று நிகழ்ச்சி ஒருங்கிணைப்பாளர்களால் குறிப்பிடப்பட்டிருந்தது. “குறள் படிப்போம் கவி படைப்போம்… வள்ளுவம் உங்கள் வரிகளில்… வான் புகழ் குறளமுதை உங்கள் குரல்களில் பதியுங்கள்…” என்று அழைப்பு விடுத்திருந்தார்கள் நிகழ்ச்சி ஒருங்கிணைப்பாளர்களான சாலினி ஜெரால்ட், பெ.வெற்றி நிலவன், ஆ.பாலமுருகன் ஆகியோர்.

இந்த நிகழ்ச்சியை கூகுள்குவியம் (ஜும்) செயலி மூலமாக கூட்டஅடையாளஎண்: 477-589-6897 இல் முன்னெடுத்திருந்தனர். பல்வேறு பாவலர்கள், வான்குறளமுதை அவரவர் குரல்களில் பதிந்திட, நிகழ்ச்சி மாலை 4.30க்குத் தொடங்கி 6.00 மணிக்கு நிறைவு பெற்றது.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.